|
ERIC師兄, 我無意偏幫某間魚店, 如有任何冒犯之處, 小弟係度
同你講句SORRY先.
小弟養鹹水魚o既年資唔算真係好長, 但斷斷續續都有六、七年,
期間小弟曾經因唔識養反過缸, 又試過加新魚引入細白點而一鋪
清袋, 亦曾經試過褒魚湯, 最近更幾乎因膠喉老化而再次一鋪清袋,
每一次o既失敗或事故都令我不斷反思究竟問題係邊度?
養o左鹹水魚咁多年, 小弟唔係未試過中招, 早幾年真係中招多過
食飯; 爛肉、燒鰭、UFO、大細白點通通試過. 大白點問題更係
家常便飯, 無論係邊間舖買魚, 總之每次加親魚, 都出白點, 而當時
小弟只懂得一有白點就落藥, 好返, 又加魚, 又出白點, 跟住又落藥,
但無死魚, 久而久之自己都以為咁樣可以長久養魚, 但係結果因自己
係出差前加o左條帶有細白點o既魚(臨走前已極力搶救), 一個星期後
返家已o羊都無剩(廿幾三十條魚就係咁因為自己o既疏忽而送命).
經此一役, 小弟痛定思痛, 先決定開個檢疫缸. 如果無記錯, 白點已有
兩年未在主缸出現, 但所買o既新魚亦一如以往般繼續出白點, 只不過
現在小弟會係儉疫缸到醫, 而唔係主缸到醫而已.
另外, 小弟覺得一間魚舖o既魚問題多唔多, 同間舖返魚數量及密度
都好有關係, 以x旺返魚數量及密度o黎睇, 小弟覺得係FS黎講都唔算少,
魚o既數量多, 密度高, 疾病傳播o既速度同效率亦相對較高, 仲有就係
因為該舖返o既魚種多, 流量大, 幫襯o既人亦自然多, 買到問題魚o既
顧客亦相對較多, 投訴指責自然多. 其實, 好多魚舖都係所有魚缸共用
一潭水, , o的水流來流去, 只要一條魚有病, 病就可以隨水流傳播出去,
尤其係密度高o既魚缸o既魚更易中招, 所以, 我深信FS好多o既魚舖都
存在同樣o既問題.
以小弟經驗, 如果水中已有病菌或寄生蟲, 就算水質再好, 每日換大量
o既水都無法殺滅病菌或寄生蟲. 當然, 有好o既水質, 魚對疾病o既
抵抗力會較強, 但同無菌無蟲終究係兩回事.
至於係美國魚襟養o的, 定係巴西魚襟養o的, 小弟就真係唔太清楚,
因為, 小弟從來買魚都只憑心意隨直覺, 覺得靚自己又負擔得起就買,
從不理會o的魚係邊到o黎.
點都好啦, 上面只係小弟o既愚見, 純粹希望大家交流交流, 如果有
o羊講錯, 希望ERIC師兄唔好放係心度.
|
登入
註冊
問答集
搜尋
